BE.28 Logu no.203
HATA NI JAHOWA

Ayat 1
Hata ni Jahowa Sipadame jolma Hangoluan i
Halalas ni roha Siapuli roha Ni na marsak i
Gogo ni Debatangki Paluahon na porsea Sian nasa jea.

Ayat 2
Nasa tinahina Tagan so ditompa Tano on dope
Nang na tinuduan Ni sude pelean Jumpang do muse
Sangkap ni Amana i Dipatulus Jesus kristus Jolma i ditobus.

Ayat 3
Na rade di hita asi ni rohaNa Nang basaNa pe
Nunga mate Kristus Nunga sun ditobus Hita on sude
Sangap ma di Debata Na porsea di hataNa Do pangoluonNa

Ayat 4
Hata hangoluan Do nuaeng diboan Parjamita i
Na lambok begeon i nuaeng dilehon Tu rohanta i
Hita on dijamita i Ai didokkon be do hita Paubahon roha

Ayat 5
I do haojahan Na tongtong manahan Salelengna i
I hajongjonganku I do haposanku Hangoluanki
Gogongki tongtong ma i Mangihuthon tu hataNa Lao mambaen lomoNa.

Ayat 6
Jesus sai tangihon Na hupangidohon Sai asi rohaM
Lehon sipargogo Asa lao tu surgo Au tu banuaM
Unang so tu Ho au ro I pe molo tos hosangku Tiur baen dalanku.
